+
----
-مره واحد صعيدى سأل صاحبه : لو حبينا نعرف الدبانه دى دكر ولا نتايه نعمل ايه ؟
صاحبه قالو :معرفش الصعيدى قالو:نستناها لو طار يبقى دكر ولو طارت تبقى نتايه
لية الهرم الصغير لونو اصفر؟
....من خوف
واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما
لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة
واحد في مسابقة من سيربح المليون اتصل بصديق وقال له الو محمدين معانا 30 ثانية
رايك احذف اجابتين ولا استخدم الجمهور
مره واحد راح السرك وقرر انه يعمل حاجه مختلفه راح جاب نمله وقعد يدربها10
سنين علشان تقف على رجل واحده فراح رايح لولد صغير فى الشارع وقاله بص يا
حبيبى النمله دى بتقف على رجل واحده فراح الولد مسك النمله وفعصها وقاله ايه ده يا
عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب
نمله تانى ودربها 10 سنين وراح لواحد كبير فى الشارع وقاله بص النمله دى بتقف
على رجل واحده فمسك النمله وفعصها وقاله ايه ده يا عمو انا مش قولتيلك من 10
سنين ان دى نمله
مرة واحد اتزنق في قرشين فعصوه
عربجى كارو دخل فرح قال رفصنى ياجدع
مرة واحد ميكانيكى دخل فرح نقط زيت
كمسرى ماشى فى جنازة بيقول يا جماعة الجنازة فضيا قدام
واحد راح المترو قطع ثلاث تزاكر قابلة واحد قالة انت قاطع ثلاث تزاكر ليه؟ قالة
عشان لو ضاعت الاولى يبقى ماعاية التانية ،قالو لو ضاعت التانية ؟قالة معايا التالتة
قالة لو ضاعت التالتة قالو ما تخفش معايا اشتراك
مرة ظابط طلع على المعاش فتح محل حلويات سماه التورتة في خدمة الشعب
انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ
بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده
دليل على انه احنا عندنا التليفونات بقالها اكتر من 100 سنة ، وقام الإيطالي وقال
احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات
بقالها اكتر من 500 سنة ، وقام البروفيسور العظيم المصري وقال: احنا حفرنا تحت
الأهرامات وملقيناش حاجة وده دليل على انه احنا عندنا الموبيلات بقالها اكتر من
7000 سنة